За правилно функционирање на веб-страницата и за подобрување на вашите искуства користиме колачиња: потребни, аналитички и маркетиншки. Со нив можете да управувате со кликање на „нагодување на поставките“. Детални информации можете да најдете во нашата Политика за колачиња.

Совршен ѓеврек

Време на подготовка: 2 часа и 15 минути Сподели

Зошто за појадок да не се почестите со вкусен тркалезен ѓеврек? Лебот потекнува од еврејската кујна, го симболизира кругот на животот и носи среќа. Но, бидејќи велат дека понекогаш е добро да се предизвика среќата, зачинете го вашиот утрински ритуал и направете свежи ѓевреци. Подготовката е едноставна, а печењето трае само 20 минути. Утринскиот мирис на свеж ѓеврек и вкусот на вашата омилена Аргета ќе ви го направат денот толку убав од самото утро за ништо да не може да ве исфрли од рамнотежа подоцна. Знаете - по добар појадок, денот се познава.

Состојки:

600 g брашно од бела пченица
7 g сув квасец
1 лажица шеќер
1,5 лажички сол
300 ml топла вода
3 лажици масло

За горе:

1 јајце
сусам

Тесто:

1. Во поголем сад изматете ги брашното, сувиот квасец, шеќерот и солта.

2. Измешајте ги состојките и направете дупка во средината.

3. Истурете топла вода и масло.

4. Измешајте сè заедно, па замесете цврсто и мазно тесто.

5. Покријте го садот со проѕирна капа за туширање или со влажна крпа.

6. Оставете го тестото да нарасне 1 час во топлиот дел од кујната.

Совршен ѓеврек

Обликување:

1. Поделете го тестото на 9 приближно еднакви дела.

2. Со дланките направете топчиња од сите делови.

3. Оставете ги топчињата 10 минути за да се ослободи глутенот во нив.

Совршен ѓеврек

4. Израмнете го топчето со прстите, а потоа направете дупка во средината и со дланките обликувајте го во еднакво дебел прстен.

5. На овој начин ги обликуваме и другите парчиња тесто.

6. Ѓевреците ги покриваме и ги оставаме да нараснат 30 минути.

Совршен ѓеврек

Готвење и печење:

1. Загрејте ја рерната на 210 °C.

2. На оган ставете големо тенџере со вода и оставете го да зоврие.

3. Внимателно ставете толку ѓевреци, колку што е потребно за тие да можат лесно да испливаат на површината.

4. Варете ги по 1-2 минути од двете страни, а потоа префрлете ги во пекач покриен со хартија за печење.

Совршен ѓеврек

5. Ѓеврекот се премачкува со изматено јајце и се посипува со сусам.

Совршен ѓеврек

6. Печете ги околу 20 минути додека не поруменат.

Совршен ѓеврек

Повеќе