Состојки
- бело пченично брашно550 г
- излупени компири300 г
- маслиново масло60 мл
- сув квасец7 г
- шеќер1 лажичка
- сол1,5 лажичка
- млака вода350 ml
Постапка
Тесто:
Компирите исечете ги на еднакви парчиња и ставете ги во зовриена вода.
Варете ги околу 20 минути, а потоа исцедете ги и оставете ги да се изладат во цедалка.
Изгмечете ги оладените компири.
Во голем сад ставете брашно, сув квасец, шеќер и сол.
Додадете го маслиновото масло, изгмечениот компир и млаката вода.
Замесете го тестото додека не добиете меко и еластично тесто. Најдобро е да користите процесор за храна бидејќи тестото ќе биде лепливо.
Месете го околу 15 минути.
Покријте го садот со проѕирна фолија или влажна крпа и оставете го да нарасне еден час.
Обликување и печење:
Загрејте ја рерната на 190°C и ставете го тенџерето од леано железо со капак внатре. Загревајте го најмалку 45 минути.
Префрлете го тестото на набрашнета површина и обликувајте го во векна.
Префрлете го во добро набрашнета кошница за нараснување.
Покријте ја кошницата и оставете го тестото да нарасне уште 30 минути.
Ставете лист хартија за печење врз кошницата, а потоа превртете го тестото врз даска за сечење.
Со жилет или скалпел исечете крст на површината на векната.
Брзо префрлете го тестото во загреаното тенџере, поклопете и ставете го во рерна.
Печете 15 минути со капак, а потоа отстранете го капакот и продолжете со печење уште 20-25 минути додека лебот не добие златна боја.
По печењето, оставете го лебот да се излади на решетка.
Доколку го споделувате овој рецепт, не заборавајте да додадете #АrgetaЛеб. 😉
