Која е тајната на тигрестите пупалиња? Исто како што тигрите на моменти се диви, а на моменти слатки и разиграни, тигрестите пупалиња се исто така одлична комбинација од груба, крцкава кора и мека, нежна средина. Тигрестиот леб е лесен за подготовка, бидејќи се пече само 20 до 25 минути додека да порумени, поради што е совршен за брзи и лесни оброци. Но, не заборавајте ја добрата страна на лебот - Аргета совршено ќе се вклопи во тигар-сендвич и вкусно ќе ви го зачини денот.
Тесто:
500 g бело пченично брашно
240 ml млеко
100 ml вода
30 g стопен путер
1 лажичка шеќер
1,5 лажички сол
7 g сув квасец
За горе:
170 g оризово брашно
170 ml топла вода
7 g сув квасец
1 лажичка шеќер
0,5 лажичка сол
Тесто:
1. Во сад ставете 500 g брашно, 1 лажичка шеќер, 1,5 лажички сол и 7 g сув квасец.
2. Измешајте ги состојките и направете дупка на врвот.
3. Сипете 240 ml млеко, 100 ml вода и 30 g стопен путер.
4. Измешајте сè заедно, а потоа месете со кујнски миксер сè додека тестото не стане еластично и мазно – околу 10-15 минути.
5. Покријте го садот и оставете го тестото да се удвои во волумен – околу 1 час.
Обликување:
1. Нараснатото тесто расукајте го на подлога, обликувајте долг леб и исечете го на 8 еднакви дела.
2. Секое парче формирајте го со прстите во мало пупале со мазна и затегната површина и со собирање на тестото во една точка. Ставете го пупалето на основата, па вртете го меѓу дланките свртени нагоре, движејќи ги во спротивна насока.
3. На страната каде што се собрало тестото, притиснете го за да се залепи.
4. Наредете ги пупалињата во пекач покриен со хартија за печење и покријте ги со проѕирна фолија.
5. Оставете ги така 30 минути.
За премачкување:
1. Додека нараснуваат пупалињата, подгответе го намазот.
2. Во сад ставете 170 ml топла вода, 170 g оризово брашно, 7 g сув квасец, 1 лажичка шеќер и половина лажичка сол.
3. Добиената смеса се остава да нарасне 20 минути.
Печење:
1. Загрејте ја рерната на 200 °C.
2. Врвот на пупалињата го премачкуваме со намаз – не е неопходно да се искористи сè.
3. Исто така, внимавајте да не го премачкате целото пупале до дното.
4. Тигрестиот леб се пече 20-25 минути додека не добие златнокафена боја.
