Не дозволувајте необичното име да ве одврати од правењето на овој посебен германски 'ржан леб. Неговиот оригинален вкус и текстура се добиваат со долготрајно печење на ниска температура. Памперникл е леб кој може да остане свеж долго време, иако не содржи апсолутно никакви конзерванси. Затоа е многу погоден за лесни закуски и ручеци. Осмелете се, прифатете го предизвикот и дозволете вашата кујна да замириса на германски специјалитет со кој ќе се гордеете.
Пред-тесто
50 g квасец
350 g интегрално ‘ржано брашно
350 ml вода
Тесто
200 g ‘рж
150 g крупно дробен ‘рж
550 g интегрално ‘ржано брашно
500 ml вода
22 g сол
120 g јаворов сируп
Постапка
Пред подготовка (1 ден)
1. Подгответе го пред-тестото – измешајте 50 g квасец, 350 g интегрално ‘ржано брашно и 350 ml вода.
2. Пред-тестото се покрива со фолија.
3. Во сад се става 200 g ‘рж и се прелива со 200 ml врела вода. Садот се покрива со фолија.
4. 150 g крупно здробениот ‘рж се полева со 150 ml врела вода и смесата се поклопува.
Тесто и печење (2-4 ден)
1. Целиот натопен ‘рж се става во тенџере со врела вода и се вари 1 час за сосема да омекне.
2. Откако ќе се свари, исцедете и изладете го.
3. Земете 50 g од пред-тестото и чувајте го во фрижидерот за следното печење.
4. Останатите 700 g од пред-тестото се мешаат со изладениот варен ‘рж, натопениот мелен ‘рж, 550 g интегрално ‘ржано брашно, 150 ml вода, 22 g сол и 120 g јаворов сируп.
5. Добро измешајте ги состојките со миксер.
6. Садот се покрива и се остава 30 минути за тестото да нарасне.
7. Двете модли за леб долги 20 и 30 cm добро се премачкуваат со масло.
8. Тестото се распределува меѓу двете модли – треба да се издолжи малку повеќе од половината.
9. Модлите се покриваат со проѕирна фолија за храна и тестото се остава 3-4 часа да нарасне.
10. Тестото нема драматично да нарасне, но сепак треба малку да нарасне.
11. Рерната се загрева на 150 °C.
12. Со четка се премачкува врвот на тестото со вода.
13. Двете модли ги обвиткуваме во неколку слоеви алуминиумска фолија, па ги ставаме во рерна.
14. По 1 час печење, намалете ја температурата на 120 °C и печете уште 13 часа.
15. По печењето исклучете ја рерната и оставете го лебот полека да се излади во рерната 1 час.
16. Покријте ги двете модли со крпа и оставете ги на собна температура уште 24 часа.
