Дали сте за нешто француско? Багетот е кулинарски специјалитет што одбележа многу генерации Французи, а денес ги воодушевува љубителите на вкусниот леб ширум светот така што ќе ве заведе и вас.
Подготовката е едноставна и брза, но нараснувањето бара малку повеќе време. Но, штом ќе загризете во крцкавата кора и ќе ја почувствувате вкусната мека средина, вашите сетила за вкус вистински ќе уживаат. Препуштете ѝ се на вашата фантазија и проталкајте низ Франција со багет.
Состојки
500 g брашно
360 g вода
2 лажички сол
3 g сув квасец
1 лажица шеќер
Тесто
1. Сите наведени состојки се ставаат во сад, се мешаат со миксер и потоа се замесува тесто без грутки.
2. Садот се покрива и се остава тестото да нарасне 15 минути
3. Откако ќе нарасне тестото во садот, фатете со прстите за еден раб, повлечете го настрана, а потоа преклопете го врз тестото. Така растегнувајќи и превиткувајќи го тестото се обработува од сите страни.
4. Растегнувањето и наборите на тестото се прават 2 часа на секој половина час.
5. По секое растегнување, повторно покријте го садот со тестото.
6. Покријте го тестото со фолија за храна и ставете го во фрижидерот 12-14 часа.
Обликување и печење
1. Расукајте го тестото на набрашнета површина и поделете го на три еднакви дела.
2. Секој дел расукајте го во правоаголник долг колку плехот за печење.
3. Цврсто извиткајте го правоаголникот во форма на змија.
4. Ставете ги сите три леба во брановиден плех наменет за печење багети.
5. Покријте ги со крпа и оставете ги да нараснат 1 час.
6. Загрејте ја рерната на 250 °C.
7. Во сад зовријте вода.
8. Исечете ги лебовите на дијагонални линии со жилет или остар нож.
9. Багетите ставете ги во рерна, а на дното на рерната ставете огноотпорен сад со врела вода.
10. Печете ги 15 минути, а потоа внимателно извадете го садот со вода од рерната и печете ги уште 15 минути.
